UNHA NOVA ANDAINA NO CPI DE VEDRA

2010-06-24T17:18:00.003+02:00

XA REMATAMOS A ESCOLA!

DESPOIS DE CASE 10 MESES XUNTOS, CHEGAMOS Ó FINAL DA NOSA ANDAINA!

EN TODO ESTE TEMPO PASÁRONNOS MOITAS COUSAS QUE FOMOS ESCRIBINDO AQUÍ E OUTRAS MOITÍSIMAS MÁIS QUE NON PUXEMOS.

Á VECES PASÁMOLO MOI MOI BEN, OUTRAS NON TANTO.

CASE SEMPRE NOS PORTAMOS REQUETEBEN, E APRENDEMOS MOITÍSIMAS COUSAS.

O MÁIS IMPORTANTE É QUE DESCUBRIMOS QUE NÓS SOLOS E SOLAS FACEMOS TODO, PORQUE A PROFE É MOI MOI VAGA E NON NOS FACÍA NADA... NIN NOS ABRÍA AS GALLETAS DA MERENDA...

AGORA NO VERÁN TEMOS QUE SEGUIR LENDO, ESCRIBINDO, SUMANDO, RESTANDO, VESTÍNDONOS E ESPÍNDONOS SOS E SOAS...

E SOBRE TODO, A PROFE DIXO QUE DEBEMOS PASAR UNHAS MOI BOAS VACACIÓNS PORQUE O MERECEMOS!!!!

BO VERÁN A TODAS E TODOS!!!

VÉMONOS PARA O ANO QUE VEN!

CONVIVENCIA COS NENOS E NENAS DO CRA BOQUEIXÓN-VEDRA

2010-06-13T11:53:00.003+02:00

FIXEMOS UNHA CONVIVENCIA COS NENOS E NENAS DO CRA DE BOQUEIXÓN E VEDRA.
SON NENOS E NENAS QUE SERÁN OS NOSOS COMPAÑEIROS E COMPAÑEIRAS PRONTO, ALGÚNS DELES XA VEÑEN EN SETEMBRO...

CHEGARON Ó COLE MOI CEDO, ANTES CA NÓS!
DESPOIS O DIRECTOR E A XEFA DE ESTUDOS ENSINÁRONLLES O COLE POR DENTRO E POR FÓRA. Ó REMATAR DIVIDÍRONNOS POR IDADE E LEVÁRONNOS AS CLASES QUE LLES CORRESPONDERÍAN.
A NOSA VIÑERON AS NENAS E NENOS DE 5 ANOS, ERAN 16, E COMO NÓS XA SOMOS 15 TIVEMOS QUE SAIR DA CLASE PARA XOGAR E COÑECERNOS. PERO ANTES TIVEMOS QUE ENSINARLLES E EXPLICARLLES TODO O QUE SABEMOS DOS VERMES DE SEDA!

ÁS 11.20 SAÍMOS Ó RECREO E MERENDAMOS TODOS E TODAS XUNTAS.

E O ACABAR FIXEMOS 6 GRUPOS DE CORES, MEZCLÁNDONOS POR IDADES. AS PROFES COLLERON OS GRUPOS E FOMOS PARA O PAVILLÓN DE DEPORTES, ONDE NOS TIÑAN PREPARADAS UNHAS ESTACIÓNS DE XOGOS: CIRCUITOS, PARACAÍDAS, AROS, ZANCOS, RELEVOS, BALONCESTO. ROTAMOS E XOGAMOS A TODO

ÁS 13.00 HORAS LAVAMOS AS MANS E COMEMOS NO COMEDOR.

ÁS 14.00 OS INVITADOS E INVITADAS MARCHARON E NÓS XOGAMOS NO PATIO DOS MAIORES.

FOI UN DÍA DISINTO NO QUE NOS DIVERTIMOS MOITÍSIMO!!

TRABALLO COS NENOS E NENAS GRANDES!

2010-06-13T11:36:00.005+02:00

O MARTES (8 DE XUÑO DE 2010) VIÑERON UNHAS RAPAZAS E UN RAPAZ Á NOSA CLASE PARA FACER UN TRABALLO DA UNIVERSIDADE.

PUXÉRONSE EN CONTACTO CON NÓS A TRAVÉS DO BLOG. E CANDO SE PRESENTARON, COMPROBAMOS QUE UNHA DAS RAPAZAS TIÑA OS MESMOS APELIDOS CA PROFE,E XA NOS DEMOS CONTA DE QUE ERAN IRMÁS...

CON EL E CON ELAS APRENDEMOS A ESCRIBIR MENSAXES SECRETAS, SABEDES CON QUÉ? CON ZUME DE LIMÓN!!

TAMEN FIXEMOS TINTES CON ELEMENTOS NATURAIS: TÉ, REMOLACHA DE MESA, TERRA, CAFÉ, AZAFRÁN, ROSAS, HERBA...

DESPOIS, CLARO, PINTAMOS CON ELES E FIXEMOS UN MURAL GRANDE.
E ANTES DE MARCHAR DÉRONNOS UNHAS "CHUCHES" POR AXUDARLLES.

PASÁMOLO MOI BEN, E CANDO XA NON ESTABAN PINTAMOS CON MÁIS CALMA E QUEDAMOS CUN DEBUXO DE RECORDO!

PODEDES VOLVER CANDO QUEIRADES!

RECORDO DO ALUMNADO!

2010-06-13T11:20:00.003+02:00

O XOVES CHEGOUME Ó COLEXIO UN REGALO MOI MOI ESPECIAL: UN LIBRO QUE TEN UN DEBUXO DE CADA UN DOS MEUS ALUMNOS E ALUMNAS DESTE ANO XUNTO CUNHA FOTO MIÑA E VARIAS DO GRUPO.

ADEMAIS DUNHA MOREIRA!! ESTA AÍNDA ESTÁ NO VIVEIRO Á ESPERA DE QUE SE ACONDICIONE O PATIO E SE LLE FAGA UN SITIO PRIVILEXIADO. ERA Ó MELLOR REGALO QUE NOS PODIADES FACER... ASÍ NON VOLVEREMOS TER PROBLEMAS PARA ATOPAR A COMIDA DAS NOSAS MASCOTAS.

DENDE AQUÍ QUERO DARLLES AS GRAZAS A TÓDALAS FAMILIAS DOS NENOS E NENAS DE 6º DE EDUCACIÓN INFANTIL DO CPI DE VEDRA!

ESTAMOS REMATANDO O CURSO!

2010-06-06T17:37:00.003+02:00

XA ENTRAMOS NA RECTA FINAL DO CURSO.

TEMOS O HORARIO DE VERÁN:

SO TEMOS CLASES POLAS TARDES OS MARTES E XOVES.

NA AULA ESTAMOS REMATANDO E ENCADERNANDO OS LIBROS QUE FIXEMOS CON TÓDOLOS DEBERES DOS CONTOS!!! ESTANOS QUEDANDO UN LIBRO BASTANTE GORDO!!

OS OUTROS LIBROS XA OS TEMOS CASE CASE ACABADOS.

E OS VERMES DE SEDA... POIS XA SO TEMOS "CASULOS" AGORA ESTAMOS ESPERANDO A QUE PASE A METAMORFOSE PARA PODER VER O FINAL DO PROCESO, CON ISO TAMEN FINALIZAMOS O LIBRO DESTES BICHIÑOS.

ASÍ POUQUIÑO A POUCO FOMOS FACENDO MOITAS COUSAS.

ÁNIMO A TODOS E A TODAS, QUE XA NON NOS QUEDA NADA!!!

O IRMÁN DE XABI

2010-05-22T22:30:00.002+02:00

XABI TIVO UN IRMÁN, QUE SE CHAMA IKER
E O OUTRO DÍA TRÓUXOO Ó COLE PARA PRESENTÁRNOLO.
ESTIVO EN TÓDALAS AULAS DE INFANTIL E A TODAS E TODOS NOS GUSTO MOITO TER UN BEBÉ TAN PEQUENIÑO NA CLASE.
NON CHOROU NADA!!

XABI NORABOA!

CONCURSO DE CONTOS

2010-05-21T16:29:00.005+02:00

O CONCELLO DE VEDRA ORGANIZA UN CONCURSO DE CONTOS CO MOTIVO DAS LETRAS GALEGAS, XA VAN POLA EDICIÓN XIV...

NÓS PRESENTAMOS UN CONTO QUE SE TITULA "A AVENTURA DO TESOURO PERDIDO".

E TEMOS UNHA ESPECIAL MENCIÓN.

DE MODO QUE TÓDOLOS NENOS E NENAS DA NOSA CLASE QUE SE ACHEGUEN Á ENTREGA DE PREMIOS TERÁN UN PEQUENO AGASALLO.

ESTAMOS MOI CONTENTAS E CONTENTOS DE QUE O NOSO TRABALLO ESTEA RECOÑECIDO!

ADEMAIS TEMOS QUE FELICITAR A NOSA COMPAÑEIRA LUCÍA CASTRO DEVERELL QUE GAÑOU O 1º PREMIO NA CATEGORÍA DE 6-7 ANOS: NORABOA!

A ENTREGA DE PREMIOS TERÁ LUGAR O DOMINGO 23 DE MAIO

NA CASA DE CULTURA DE SANTA CRUZ ÁS 18.00 HORAS!

LETRAS GALEGAS 2010

2010-05-10T22:01:00.002+02:00

ESTE ANO HOMENAXÉASE A UXÍO NOVONEYRANÓS APRENDEMOS UN POEMA. E FIXEMOS UN CUCO CON PLUMAS DE VERDADE!!!

O POEMA:

CANTA O CUCO CALA E CANTA
DOS CASTIÑEIROS DO VAL.
PASA O TEMPO E NON DI NADA
E VOLTA O CUCO A CANTAR.

COMO ESTÁN OS NOSOS VERMES?

2010-05-02T11:13:00.002+02:00

XA APARECEU A FOLLA DE MOREIRA EN VEDRA!!!

AGORA QUE TEMOS A COMIDA DOS NOSOS AMIGUIÑOS ESTÁN CRECENDO MOI RÁPIDO!!

XA ESTAMOS NA SEGUNDA IDADE! E A DIFERENZA É MOI GRANDE! E PARA COMPROBALO TIVEMOS QUE MIRAR OS VERMES CUNHA LUPA, E PARA ISO FOMOS XA 2 VECES Ó LABORATORIO.

COMO TIÑAMOS MOITOS, MOITOS, MOITOS VERMIÑOS REGALOMOSLLOS A OUTROS NENOS E NENAS DO COLEXIO, E OS QUE TIÑAMOS PRETO UNHA MOREIRA TAMEN OS LEVAMOS PARA AS NOSAS CASAS.

CARREIRA SOLIDARIA

2010-05-02T10:37:00.004+02:00

O LUNS DÍA 26 DE ABRIL TIVEMOS A CARREIRA SOLIDARIA PROGRAMADA PARA A SEMANA ANTERIOR E QUE SE SUSPENDERA POR MOR DO MAL TEMPO. COLABORAMOS COA ASOCIACIÓN "SAVE THE CHILDREN"

CHEGAMOS Á AULA E PREPARÁMONOS PARA O ACONTECEMENTO. COLLEMOS OS NOSOS CARNÉS, SACAMOS AS CHAQUETAS E PUXEMOS OS DORSAIS.

SAÍMOS Ó PATIO E COLOCÁMONOS ONDE NOS MANDARON.

PRIMEIRO SAIRON OS DE 3 ANOS, DESPOIS OS DE 4 E POR ÚLTIMO NÓS.
DA NOSA AULA O QUE PRIMEIRO CHEGOU FOI XABI, PERO NON HABÍA PREMIO POR CHEGAR O PRIMEIRO. TODAS E TODOS OS QUE PARTICIPAMOS TIVEMOS UN DIPLOMA

CANDO CHEGAMOS HABÍA AUGA PARA TODOS E TODAS E EMPEZARON A CORRER OS DE PRIMARIA, PERO NÓS ESTABAMOS TAN CANSOS QUE XA NON NOS ACHEGAMOS A VELOS.

MINGOS CONTOUNOS UN CONTO!

2010-05-02T10:29:00.002+02:00

O VENRES 23 DE ABRIL, MINGOS NA BIBLIOTECA LEUNOS O CONTO QUE LEVARA EL PARA A CASA.

DIXEMOS QUE A PARTIR DE AGORA O CAPITÁN OU A CAPITANA DO DÍA CONTARIA O SEU CONTO, COMEZAREMOS O LUNS!!

PLANTAMOS!

2010-04-19T23:43:00.004+02:00

HOXE PLANTAMOS NUNHA "MACETA"!

FOMOS Ó PATIO E CADA UN E CADA UNHA PLANTAMOS UNHAS SEMENTES QUE LEVAREMOS PARA A CASA Ó REMATAR O CURSO.

AS PROFES, ANABEL E NATALIA, PLANTARON UNS GLADIOLOS ADEMAIS DUNHA FLOR GRANDE COMO AS NOSAS SEMENTES.

A VER QUE NOS SAE!!!

A ONDE FOMOS NA SEMANA SANTA?

2010-04-19T23:24:00.004+02:00

TODAS E TODOS NA SEMANA SANTA FIXEMOS MOITAS MOITAS COUSAS.
CARLOTA VICENTE FOI A CORUÑA COA SÚA FAMILIA E TROUCO DE REGALO UN CONTO MOI BONITO E QUE AINDA NON LERAMOS E UNHAS POSTAIS.
DIEGO FOI A CANTABRIA E TROUXO UN CHAVEIRO AMARELO MOI BONITO E QUE XA LLE PUXEMOS ÁS CHAVES DA PORTA DA ENTRADA
A PROFE FOI A LONDRES E TROUXO UN "APARATO" RARO PARA PINTAR, QUE FAI O ARCO DA VELLA!!

CANTOS VERMES!!

2010-04-19T23:05:00.004+02:00

HOXE LUNS 19 DE ABRIL, CANDO CHEGAMOS Á CLASE TIVEMOS UNHA GRAN SORPRESA: SAÍRONNOS MOITÍSIMOS VERMES DE SEDA! AGORA IMOS DARLLLES UNS POUCOS OS DEMAIS COMPAÑEIROS E COMPAÑEIRAS DO COLEXIO.

ADEMAIS TODOS OS QUE QUEIRAMOS PODEREMOS LEVAR PARA A CASA UNS POUCOS SEMPRE QUE TRAIAN UNHA NOTA DAS FAMILIAS DICINDO QUE TEÑEN MOREIRA PARA PODER ALIMENTALOS.

QUE ESTAMOS FACENDO?

2010-04-18T23:41:00.003+02:00

NESTE ÚLTIMO TRIMESTRE ESTAMOS TRABALLANDO MOITO.
EMPEZAMOS A UNIDADE DA PRIMAVERA E XA A ESTAMOS REMATANDO!!

TAMEN TEMOS VARIOS FRENTES ABERTOS:
- EMPEZAMOS OS OBRADOIROS
- TEMOS UN CONTO A PIQUES DE MAQUETAR E "EDITAR"
- QUEREMOS EMPEZAR UN PROXECTO ENTRE MANS PARA VER O PROCESO QUE SEGUEN OS NOSOS VERMES DE SEDA
- TEMOS QUE FACER UN SEMENTEIRO DE FLORES E VER O PROCESO DE CRECEMENTO
- ESTA SEMANAO 23 É O DÍA DO LIBRO, E TEMOS QUE CELEBRALO!

CANTAS COUSAS ESTAMOS FACENDO!!
PRECISAMOS MOITA AXUDA DAS FAMILIAS!!

REMATAMOS O TRIMESTRE!!

2010-03-24T10:56:00.004+01:00

O PRÓXIMO VENRES REMATAMOS XA O 2º TRIMESTRE DESTE CURSO 2009-2010.
FOI UN TRIMESTRE NO QUE APRENDEMOS E FIXEMOS MOITÍSIMAS COUSAS. A MODO DE REPASO:

ESTUDAMOS O INVERNO, OS XOGUETES, AS PROFESIÓNS, O CIRCO E OS MEDIOS DE TRANSPORTE E COMUNICACIÓN

CONMEMORAMOS O DÍA DA PAZ E O DÍA INTERNACIONAL DA MULLER TRABALLADORA.

PARTICIPAMOS NO ENTROIDO DO COLEXIO

FOMOS DE EXCURSIÓN Á FERVENZA DO TOXA

OS NENOS E NENAS DE SECUNDARIA CONTÁRONNOS VARIOS CONTOS NA AULA DE PLÁSTICA

OUTROS E OUTRAS ALUMNAS DE SECUNDARIA TAMEN NOS FALARON DO DÍA MUNDIAL DA AUGA NA AULA DE AUDIOVISUAIS.

E MOITISIMAS COUSAS MÁIS QUE XA NON NOS LEMBRAMOS AGORA MESMO...

DENDE AQUÍ, EU COMO MESTRA, QUERÍA AGRADECERLLES ÁS FAMILIAS, UNHA VEZ MÁIS, A SÚA COLABORACIÓN EN TODO MOMENTO, SEN ELA O PROGRESO NON SERÍA TAN RÁPIDO.

NESTE TRIMESTRE CONSEGUIMOS MOITOS DOS OBXECTIVOS SINALADOS NA PROGRAMACIÓN, E OUTROS SUPERÁMOLOS CON CRECES!! CASE ESTAMSOS PREPARADOS E PREPARADAS PARA "SACAR O MANDILÓN"

MERECEMOS UN BO DESCANSO, PARA RECARGAR AS PILAS E VOLVER CON GANAS!!!!!

FELICES VACACIÓNS!!

SABEDES ALGO DO QUE MÁIS LLES GUSTOU ÓS NENOS E NENAS DA EXCURSIÓN??

2010-03-24T10:48:00.002+01:00

DESPOIS DA CORRESPONDENTE PREGUNTA, QUE FOI O QUE MÁIS VOS GUSTOU DA EXCURSIÓN?? VARIAS NENAS, DIXERON QUE "AS COUSAS QUE NOS DESTES"
E SABEDES QUE LLES DEMOS?
POIS O CENTRO MERCOU UNS PANOS LARANXAS E UNHAS CHAPAS IDENTIFICATIVAS, OS PRIMEIROS TEÑEN O NOME E O NÚMERO DE TELEFONO DO CENTRO E AS CHAPAS ADEMAIS O NOME PERSONALIZADO DE CADA NENO E NENA. E TAMEN LLES REGALOU UNHAS GORRAS CO NOME DO CENTRO. NÓS DEIXAMOS AS GORRAS NO COLEXIO PORQUE ASÍ XA AS TEMOS PARA A PRÓXIMA EXCURSIÓN E A FINAIS DO CURSO PODERÁN LEVALAS PARA A CASA.

MIRADE QUE CHULOS E CHULAS IAMOS:

ACTUALIZAMOS O ALBUM DAS FOTOS DA EXCURSIÓN!

2010-03-24T10:46:00.001+01:00

DESPOIS DE COMPROBAR AS AUTORIZACIÓNS DE USO DA IMAXE POUIDEMOS SUBIR MÁIS FOTOS Ó NOSO ALBUM, E XA O PODEDES VER!!
ESPARAMOS QUE VOS GUSTE!!

FOMOS DE EXCURSIÓN

2010-03-19T18:07:00.003+01:00

O PASADO XOVES DÍA 18 DE MARZO, FOMOS DE EXCURSIÓN Á

FOMOS TÓDALAS CLASES DE EDUCACIÓN INFANTIL E AS CLASES DE 1º E 2º DE EDUCACIÓN PRIMARIA

PASÁMOLO MOI MOI BEN!!

Ó CHEGAR PRESENTÁRONNSE AS MONITORAS E LOGO REPARTÍRONNOS EN 4 GRUPOS:

VERMELLO,
VERDE,
AZUL
E OUTRO SEN COR.

DESPOIS FIXEMOS 4 TIPOS DE ACTIVIDADES E FOMOS ROTANDO.
PERO, QUÉ FIXEMOS??

CONTÁRONNOS UN CONTO E VIMOS UNHA REPORTAXE
PLANTAMOS NO INVERNADOIRO
VIMOS E DÉMOSLLE DE COMER ÓS ANIMAIS
FIXEMOS PAN

Ó MEDIODÍA COMEMOS MOITÍSIMO, PORQUE ERAN AS 14.30 E TIÑAMOS MOITA MOITA FAME.

Ó REMATAR XOGAMOS UN POUCO NUN CAMPO DE FÚTBOL, RECOLLEMOS AS CHAQUETAS, BEBEMOS FOMOS Ó BAÑO E MONTAMOS NO AUTOBÚS ÁS 16.30.

CHEGAMOS Ó COLEXIO UN POUCO TARDE, E XA ESTABAN AS FAMILIAS E O EQUIPO DIRECTIVO UN POUCO PREOCUPADOS, PERO É QUE COMO O ESTABAMOS PASANDO TAN BEN....

DE TÓDOLOS XEITOS DESCULPÁDENOS POR FACERVOLO PASAR MAL UNS 10 MINUTOS!

CANDO VOLVEMOS DE EXCURSIÓN??!!!

PREMIO POR TER UN BLOG CHULI!!

2010-03-19T17:56:00.004+01:00

Os nosos amigos e amigas e a profe Saleta da CPI "Castro Baxoi" de Miño (A Coruña) que teñen o blog Destino Saleta deixáronnos este fermoso premio, creado por Bea do blog Cousas de peques para os blogs máis máis chulis.MOITAS GRAZAS!!

A condición deste premio é pasalo a 10 blogs que consideres chulísimos. Nós pasámoslle o agasallo a:

Profe Gaby "Miúdos de Goian" Tomiño

Profe Ángela "A trastenda do Cra de Monterrei" Monterrei

Profe Ana "Cousas da nosa clase" Pontedeume

Profe Uxía " Sereas sen cadeas" Aguiño- Ribeira

Profe Ramón "Unha presada de ollomaos" Vilanova de Arousa

Profe "Tolinha" "Casa de tolos"

Profe do blog "Migallas" Catoira

Profe Mela "Vidal Portela Kinders" Pontevedra

Profe Naiara "Duendes juguetones" Poio- Pontevedra

Profes do "Cole de cores" Cabana de Bergantiños

FOMOS Ó MERCADILLO

2010-03-09T15:52:00.003+01:00

NO NOSO COLEXIO OS NENOS E NENAS DE 6º DE PRIMARIA ORGANIZARON UN MERCADILLO PARA RECAUDAR CARTOS PARA A SÚA EXCURSIÓN DE FIN DE ETAPA.

NÓS FOMOS O MARTES VER COMO FUNCIONABA E O XOVES FOMOS GASTAR UNS €, ERAN OS CARTOS QUE GAÑAMOS POR PARTICIPAR NO ENTROIDO DO COLEXIO.
TIÑAMOS 1€ POR PERSOA, E CADA QUEN COMPROU O QUE QUIXO, UNS PUIDERON COMPRAR DÚAS COUSAS PORQUE CUSTABAN 0.50€ E OUTROS SO PUIDERON COMPRAR UNHA.

NO MERCADILLO HAI DE TODO: PULSEIRAS, LACA DE UÑAS, CERAS, TÉMPREAS, CONTOS, CARTEIRAS, FULARES, GARABATAS, PELUCHES, PENDENTES, E MOITISIMAS COUSAS MÁIS.
SE PODEDES ACERCÁDEVOS PARA AXUDARLLES, O HORARIO É O SEGUINTE:

MARTES E XOVES
POLA MAÑÁ: 11.20 A 11.50 HORAS
POLA TARDE: DE 14.00 A 15.20 HORAS

8 DE MARZO DE 2010

2010-03-08T17:10:00.002+01:00

HOXE É O DÍA DA MULLER TRABALLADORA,
PARABENS A TODAS!!

SEGUNDO A WIKIPEDIA...

"O Día Internacional da Muller refírese ás mulleres correntes como artífices da historia e afunde as súas raíces na loita secular da muller por participar na sociedade en pé de igualdade co home. Na antiga Grecia, Lisístrata empezou unha folga sexual contra os homes para poñer fin á guerra; na Revolución Francesa, as parisienses que pedían "liberdade, igualdade e fraternidade" marcharon cara a Versalles para esixir o sufraxio feminino.

A idea dun día internacional da muller xurdiu ao final do século XIX, que foi, no mundo industrializado, un período de expansión e turbulencia, crecemento fulgurante da poboación e ideoloxías radicais."

E SE QUEREMOS SABER MÁIS PODEMOS VER ESTE VIDEO:

UNHA COMPAÑEIRA RECIBIU UN PREMIO!

2010-03-07T16:47:00.004+01:00

PARTICIPAMOS NUN CONCURSO ORGANIZADO POLO CONCELLO DE VEDRA SOBRE A CAMELIA E CONCEDÉRONLLE O 2º PREMIO A PAULA NÚÑEZ NA NOSA CATEGORÍA, CLARO!
O PREMIO TIÑA QUE IR RECOLLELO O SÁBADO DÍA 27 DE FEBREIRO, PERO POR MOR DO TEMPORAL NON FOI, E TROUXÉRONLLO Ó COLEXIO. GERARDO, O NOSO CONSERXE, FOI O ENCARGADO DE ENTREGARLLE O DIPLOMA MÁIS UN AGASALLO.
NORABOA PAULA!!!

AH!! A TODOS E A TODAS QUE PARTICIPAMOS DARANNOS UN DIPLOMA!!

DEIXAMOS AS NOSAS PEGADAS

2010-03-07T16:33:00.003+01:00

O MARTES E O MÉRCORES ESTAMPAMOS A PLANTA DO NOSO PÉ EN FOLIOS,
ENCANTOUNOS MANCHAR OS PÉS CON PINTURA... NON FOI TAN FÁCIL LOGO LIMPALOS
ASÍ REMATAMOS DE ESTUDAR O NOSO CORPO. A PARTIR DO MARTES TRABALLAREMOS OS MEDIOS DE TRANSPORTE E DE COMUNICACIÓN, FACENDO ESPECIAL FINCAPÉ NOS XORNAIS. E CELEBRANDO DESTE XEITO A SEMANA DA PRENSA (DO 8 E Ó 12 DE MARZO DE 2010)

DIA DOS NAMORADOS

2010-02-19T13:22:00.005+01:00

O DOMINGO 14 DE FEBREIRO FOI O DÍA DOS NAMORADOS.

NÓS NA AULA FIXEMOS UN REGALO E DÉMOSLLO A UN AMIGO OU AMIGA DA CLASE!

E COMO FIXEMOS PARA QUE TODAS E TODOS TIVERAMOS REGALO???

POIS XOGAMOS Ó AMIGO INVISIBLE

POLA MAÑÁ ESCRIBIMOS O NOSO NOME NUN PAPEL E METÉMOLO NUNHA BOLSA, DESPOIS CADA UN E UNHA COLLEU UN, E ESA ERA A PERSOA Á QUE LLE TIVEMOS QUE DAR O REGALO.
SOUBEMOS XOGAR MOI BEN, E NON DESCUBRIMOS O NOSO AMIGO INVISIBLE ATA QUE O DIXO A PROFE!!!
Á TARDE, ANTES DE MARCHAR PARA A CASA ENTERGÁMOSLLE Ó REGALO A QUEN NOS TOCOU.

QUEN LLE REGALOU A QUEN?

ALEX A ANDRÉ

ANDRÉ A MIRIAM

MIRIAM A CARLA

CARLA A XABI

XABI A ALEX

DAVID A LUCÍA

LUCÍA A DIEGO

DIEGO A NEREA

NEREA A PAULA

PAULA A DAVID

CARLOTA CEA A ANABEL

ANABEL A CARLOTA VICENTE

CARLOTA VICENTE A CARLOTA CEA

CLAUDIA A MINGOS

MINGOS A NOELA

NOELA A CLAUDIA

PUXEMOS A PANTALLA!

2010-02-19T11:13:00.002+01:00

O XOVES A PROFE ENTROI NA AULA DISFRAZADA DE PANTALLA, O DISFRAZ TÍPICO DA SÚA ZONA.
Ó PRINCIPIO AUSTÁMONOS UN POUCO, PERO DESPOIS XA NOS GUSTOU E TODAS E TODOS PUXEMOS A CARETA, MIRADE NAS FOTOS QUE BEN SAIMOS!

NOTICIAS DOS XENERIAS!

2010-02-15T22:17:00.002+01:00

ALGUNS DOS NOSOS COMPAÑEIROS E COMPAÑEIRAS DISFRAZÁRONSE DE XENRAIS, MIRADE QUE CHULOS:

CARLOTA VICENTE, TAREIXA (DE 4 ANOS), ANDRÉ E DOMINGOS: ESTABADES MOI GUAPAS E GUAPOS

POR FIN CELEBRAMOS O ENTROIDO!

2010-02-12T22:47:00.005+01:00

HOXE XA NOS DISFRAZAMOS!!

TODO O CICLO DE EDUCACIÓN INFANTIL FOMOS DE PALLASOS!!

LEVAMOS UNHA PANCARTA DIANTE E FOMOS BAILANDO TODO O DESFILE

Ó CHEGAR Ó COLE DESFILAMOS NO PATIO, E DESPOIS XA PUIDEMOS XOGAR UN POUCO.

XENERAIS DO ULLA

2010-02-09T17:48:00.003+01:00

HOXE, ESTIVEMOS MIRANDO EN INTERNET O QUE SON OS XENERAIS,
E PUIDEMOS VER QUE É O DISFRAZ TÍPICO DA NOSA ZONA.
XA VIMOS COMO SE VISTEN, E QUE FAN!
PERO SEGUIREMOS INVESTIGANDO MÁIS!

ISTO SO É O PRINCIPIO:

San Xián de Sales (Vedra), non só hai xenerais no Antroido: tamén hai xeneralas. A imaxe tomouse o 16 de febreiro de 2002. (c) H. Neira 2002

ESTÁ CHEGANDO O ENTROIDO!!

2010-02-09T17:41:00.003+01:00

EN VEDRA, ESTAMOS CELEBRANDO O ENTROIDO
CADA DÍA DA SEMANA TOCA DISFRAZAR UNHA PARTE DA CARA:

O LUNS LÉMBRATE TRAER
ALGO NA CABEZA
QUE A TODOS HA SORPRENDER.

O MARTES PORÁS ALGO NA CARA
E ASÍ O MECO
NO SE ENFADA.

O MÉRCORES ALGO NO CORPO
TES QUE COLOCAR
E ASÍ O MECO IMOS ENGALANAR.

O XOVES ALGO NOS PÉS TRAERÁS
E, POR FIN, O MECO
REMATADO VERÁS.

E O VENRES.... SORPRENDEREMOS A TODAS E TODOS!!!

BO ENTROIDO!!

A ONDE FOI A PROFE?

2010-02-03T14:06:00.004+01:00

ESTA FIN DE SEMANA A PROFE ANABEL FOI A MADRID E IGUAL QUE XABI TROUXONOS REGALOS

UNHAS POSTAIS DOS MONUMENTOS DESA CIDADE

E UN BLOG PARA ESCRIBIR AS NOSAS NOTAS

PREPARÁMONOS PARA O ENTROIDO

2010-01-30T20:43:00.002+01:00

ESTA SEMANA EMPEZAREMOS A FALAR DO ENTROIDO!

BENVIDO DON CARNAL!!

PERO DE ONDE VEN??

http://vello.vieiros.com/especial/entroido99.html

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e paganos, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas.

Os entroidos máis famosos do país son, sen dúbida, os ourensáns. Laza, Verín e Xinzo convértense por uns días nas capitais de Galicia. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban aos morosos que non pagasen a tempo. Sen embargo, tanto Vicente Risco coma Bouza Brey viron neles unha orixe moito máis antiga. Risco cría que proviña das asociacións segredas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.

Outros protagonistas do Entroido son os "xenerais" en Boqueixón, Vedra, A Estrada, Vila de Cruces e Silleda; as Pantallas de Xinzo de Limia, os boteiros e "foliós" en Viana do Bolo, as máscaras traballadas dos Volantes en Chantada , ademais dos xa coñecidos Cigarróns de Laza e Verín son algúns dos sinais desta festa tque se pechará un mércores de cinza coa queima do Momo e o Meco ou o enterro do Ravachol en Pontevedra.

Tempo para a diversión e para o bo xantar... porque outra compoñente -importantísima do Entroido galego é a gastronomía: o lacón con grelos como prato forte, acompañado de doces como as orellas ou as filloas, son as comidas típicas destas festas.

BENVIDO XABI!!

2010-01-30T14:51:00.003+01:00

O XOVES XA SE INCORPOROU XABI!
TROUXONOS VARIOS REGALOS DE "LA PALMA":

- UNHA RATA QUE PODEREMOS COLGAR DO TEITO

- UNHA BOLA DE CRISTAL CON NEVE

- UN LAPIS XIGANTE

GUSTARONNOS MOITO!

TAMEN TROUXO UNHAS POSTAIS QUE ESTIVEMOS VENDO, E QUE EL LLES EXPLICOU AOS COMPAÑEIROS E COMPAÑEIRAS DA SUA MESA. OUTRO DIA VOLVERA TRAELAS PARA ENSINARLLAS A OUTRA MESA.

A TARDE FOMOS A AULA DE AUDIOVISUAIS E ESTIVEMOS ENSINANDOLLE TODO O QUE LLE ESCRIBIMOS NO BLOG PARA EL.

DE NOVO CHE DICIMOS: BENVIDO!!!

OLA XABI

2010-01-27T15:56:00.006+01:00

OLA!
TEMOS UN COMPAÑEIRO DE VACACIÓNS COS SEUS AVÓS NA PALMA. XA O BOTAMOS DE MENOS!
XA TEMOS GANAS DE QUE VOLVA!
ESTA SEMANA APRENDEMOS A "R", ESCRIBIMOSLLE ÓS NOSOS AMIGOS DE MIÑO E CONTINUAMOS O CONTO!
TI XA ACABACHE OS DEBERES QUE LEVABAS??
VOLVE PRONTO!
ERES UN BO AMIGO DE PARTE DE CLAUDIA E TAMÉN DI QUE A PROFE ANA O BOTA MOITO DE MENOS, PREGUNTA TÓDOLOS DÍAS POR EL.
UNHA APERTA PARA TI DE PARTE DE NEREA
DOMINGOS, DIEGO E ANDRÉ BÓTAMOSTE MOITO MOITO DE MENOS
CARLOTA CEA MÁNDACHE UN BICO
CARLOTA VICENTE DI QUE ERES UN BO ESTUDANTE
NOELA DI QUE ESTAMOS ESPERANDO QUE VOLVAS PARA XOGAR
UN ABRAZO DE PARTE DE MIRIAM
LUCIA DI QUE SUPÓN QUE TE ESTÁS DIVERTINDO MOITO
DIEGO DI QUE NON SABE CANDO VES PERO QUE CHE MANDA UN BICO
DAVID DI QUE ERES MOI BO NA CLASE

E EN XERAL QUE TE BOTAMOS DE MENOS E QUE TEMOS GANAS DE QUE VOLVAS!

COMEZAMOS O 2º TRIMESTRE

2010-01-14T12:49:00.003+01:00

XA EMPEZAMOS UN NOVO TRIMESTRE!!
PAPÁ NOEL E OS REIS TROUXERONNOS MOITAS COUSAS NAS CASAS E NO COLEXIO DEIXÁRONNOS UNS XOGOS INTERACTIVOS DE CAILLOU!!
HOXE, XOVES, IMOS ESTREALOS!!

NESTE MES IMOS ESTUDAR O INVERNO E O CIRCO!! DURANTE ESTA SEMANA ESTAMOS MIRANDO QUE É O QUE SABEMOS DOS TEMAS, E PARA A QUE VEN IMOS COMEZAR UN ESTUDO MÁIS PROFUNDO!

FELIZ ANO NOVO!!!!!!

2010-01-06T13:39:00.001+01:00

Gifs by Oriza - Lindos gifs, poemas, mensagens, recadinhos, scraps

HAI NOVAS FOTOS!!

2009-12-26T20:20:00.001+01:00

NESTE MES DE DECEMBRO CELEBRAMOS OS ANIVERSARIOS DE CARLOTA CEA E PAULA.
XA ESTÁN AS FOTOS NA CARPETA CORRESPONDENTES.Ç
PARABÉNS CHICAS!!

VIDEOCONFERENCIA CON LAPONIA

2009-12-21T17:57:00.002+01:00

O VENRES DÍA 18 TIVEMOS UNHA VIDEOCONFERENCIA CON LAPONIA

DENDE ALÍ FALOUNOS PAPÁ NOEL.

PREGUNTOUNOS SE NOS PORTARAMOS BEN, QUE QUERIAMOS , ONDE QUERIAMOS QUE NOS DEIXARA OS REGALOS...

NON PUIDEMOS FALAR TODOS E TODAS, PERO DIXONOS QUE EL XA SABÍA BEN O QUE QUERIAMOS, E QUE NON IA HABER PROBLEMA COS REGALOS.

AH!

CARLOTA VICENTE, COMO CAPITANA, PEDIU UN REGALO PARA O COLEXIO: UNS ORDENADORES PORTÁTILES MÁIS UNS XOGOS INTERACTIVOS DE CAILLOU!!

E COMO NOS PORTAMOS BEN.... ESPERAMOS QUE NOS TRAIA ALGO!

RECIBIMOS UNHA POSTAL

2009-12-17T20:20:00.003+01:00

HOXE A TARDE, GERARDO, O NOSO CONSERXE, TROUXONOS A NOSA PRIMEIRA POSTAL DE NADAL!!
MANDÁRONOLA OS NENOS E NENAS DO CPI CASTRO BAXOI, DE MIÑO!
ENCANTOUNOS A SORPRESA!
E XA ESTAMOS PENSANDO EN CONTESTARLLE.
MOITISIMAS GRAZAS POR ACORDARVOS DE NÓS.
BO NADAL!!

PREPARÁMONOS PARA O NADAL!

2009-11-29T15:31:00.002+01:00

MAÑÁ LUNS, 30 DE NOVEMBRO, COMEZAMOS UNHA UNIDADE NOVA!
VAMOS ESTUDAR O NADAL, PORQUE XA NOS BOMBARDEAN CO TEMA:
- XA HAI LUCES DE NADAL POLAS RÚAS
- REPARTÍRONSE MOITOS CATÁLOGOS DE XOGUETES
- OS SUPERMERCADOS PUXERON A COMIDA TÍPICA NAS ENTRADAS
- E A PUBLICIDADE DA TELEVISIÓN TAMEN SE DIRIXE Á CUMPLIMENTAR A CARTA ÓS REIS MAGOS.

ASÍQUE, É O MELLOR MOMENTO PARA COMEZAR CO TEMA E ENFOCALO DENDE UN CONSUMO RESPONSABLE!!

COMA SEMPRE CONTAMOS COA AXUDA DAS FAMILIAS! ÁS QUE XA LLES PEDIMOS QUE DECORASEN UNHA ÁRBORE DE NADAL COAS NENAS E NENOS!

REMATAMOS O PROXECTO DO SAMAÍN

2009-11-29T15:16:00.003+01:00

DESPOIS DUN PROFUNDO ESTUDO DO SAMAÍN, POR FIN, ESTA SEMANA REMATAMOS O TRABALLO!

LEMBRAMOS QUE PARA PODER REALIZAR ESTA TAREFA FOI MOI IMPORTANTE A IMPLICACIÓN E A PARTICIPACIÓN DAS FAMILIAS. E DENDE AQUÍ QUEREMOS AGRADECÉRLLELO UNHA VEZ MÁIS! GRAZAS FAMILIAS!!

EN TODO ESTE TEMPO:

- ESCRIBIMOS AS IDEAS PREVIAS E TODO QUE QUERIAMOS APRENDER

- RECOLLEMOS INFORMACIÓN EN DISTINTOS MEDIOS (INTERNET, REVISTAS, LIBROS, XORNAIS...)

- ANALIZAMOS ESA INFORMACIÓN

- PLASMAMOS O QUE APRENDEMOS EN DIFERENTES ACTIVIDADES E NUN MAPA CONCEPTUAL XIGANTE

- XUNTAMOS TODO E FIXEMOS UN LIBRO QUE LEVAMOS PARA A CASA

ESPERAMOS QUE ESTE SEXA SO O PRIMEIRO PROXECTO DE MOITOS!!

TEMOS UN LIBRO COAS NORMAS DA AULA

2009-11-29T15:08:00.003+01:00

HAI UNS DÍAS TIVEMOS UN PEQUENO CONFLITO E XURDIU A NECESIDADE DE POÑER UNHAS NORMAS NA AULA.

TODOS E TODAS DECORAMOS AS NORMAS E AS PROFES XUNTÁRONNOLAS E FIXÉRONNOS UN LIBRO QUE LEVAMOS PARA A CASA E QUE PODEREMOS LER CANDO SE NOS ESQUEZA ALGUNHA DESTAS.

SON POUCAS:

- O GATO NICANOR DINOS QUE DEBEMOS PEDIR POR FAVOR

- A VACA PILAR DINOS QUE A AULA DEBEMOS ORDEAR

- A BALEA MARIMAR DINOS QUE BAIXIÑO DEBEMOS FALAR

- A RA BATRACIAS DINOS QUE DEBEMOS DAR AS GRACIAS

- O ELEFANTE BALTASAR DINOS QUE ÓS DEMAIS DEBEMOS RESPECTAR

FOMOS DE EXCURSIÓN!!

2009-11-25T11:10:00.002+01:00

FOMOS A SANTIAGO COS COMPAÑEIROS E COMPAÑEIRAS DE 4 ANOS

ALÍ VIMOS A:

DESPOIS FOMOS MERENDAR E XOGAR A UN PARQUE QUE ESTABA PRETO.

E Á HORA DE COMER XA ESTABAMOS DE VOLTA NO COLEXIO.

PORTÁMONOS MOI BEN, PARA QUE AS PROFES ESTIVERAN CONTENTAS E NOS VOLVAN LEVAR A OUTRA EXCURSIÓN, PERO ESTA VEZ DE TODO O DÍA!!

MEDÍMONOS!

2009-11-25T11:04:00.004+01:00

O CONSERXE PÚXONOS UN MEDIDOR DE MADEIRA NA AULA, ENTÓN MEDÍMONOS.

ANOTAMOS NO ENCERADO AS ALTURAS, E PUIDEMOS ANALIZAR AS MEDIDAS E VER QUEN É A MÁIS ALTA, OS MÁIS BAIXOS, OS QUE SON IGUAIS...

Ó FINAL DE CURSO VOLVERMOS MEDIRNOS PARA VER O QUE MEDRAMOS EN TODO ESTE CURSO!

AS PROFES TAMÉN SE MEDIRON, PERO NON PUIDEMOS ANOTAR A MEDIDA, PORQUE A REGLA SO CHEGA ATA OS 150 CENTRÍMETROS! E ELAS SON MÁIS GRANDES! AÍNDA QUE NON MOITO!!!!

NOVA PROFE!!

2009-11-24T11:50:00.002+01:00

DESDE O DÍA 16 TEMOS UNHA PROFE NOVA.

CHÁMASE RAQUEL, E ESTARÁ CON NÓS ATA O NADAL.

XA TEMOS MOITA CONFIANZA CON ELA, AXÚDANOS COS DEBERES, E COMO ESTÁ ELA PUIDEMOS IR A AULA DE INFORMÁTICA A XOGAR COS ORDENADORES.

SAÚDOS A XIANA

2009-11-15T15:55:00.003+01:00

UN DÍA ESTIVO CON NÓS XIANA. UNHA RAPAZA AMIGA NOSA.
PRESENTÁMONOS, FALAMOS CON ELA, CONTÁMOSLLE O QUE FACEMOS, ESCRIBIMOS O SEU NOME NO ENCERADO E O NOSO CARACOL PASEOU POR TÓDALAS LETRAS.

GUSTOUNOS MOITO QUE ESTIVERAS CON NÓS.

VOLVE CANDO QUEIRAS.

SECOS OU CARNOSOS???

2009-11-15T15:27:00.002+01:00

DESPOIS DA EXPOSICIÓN DE FROITOS DE OUTONO, ESTIVEMOS PROBÁNDOOS.

DÉMONOS CONTA DE QUE HAI FROITOS SECOS E OUTROS QUE TEÑEN "AUGA" POR DENTRO.

E Ó ACABAR COLOREAMOS UNS POUCOS, RECORTÁMOLOS E CLASIFICÁMOLOS.

XA SABEMOS MOITAS COUSAS!!

LEMOS EN INGLÉS!

2009-11-14T18:03:00.004+01:00

NA AULA XA ESCRIBIMOS OS NOMES DE TÓDALAS COUSAS E ESTAMOS APRENDENDO A LELOS!

DESCUBRIMOS CORES!!!

2009-11-14T17:55:00.003+01:00

QUIXEMOS PINTAR COA COR MARRÓN, PERO NO COLE NON TEMOS!!
DE XEITO QUE ESTIVEMOS EXPERIMENTANDO COAS CORES QUE HABÍA ATA QUE NOS SAEU O MARRÓN.

E SABEDES CALES SON?

VERMELLO + VERDE

PARABENS ANDRÉ!

2009-11-14T17:42:00.002+01:00

NESTE MES ESTIVO DE ANIVERSARIO ANDRÉ

MOITISIMAS FELICIDADES!!

MAGOSTO

2009-11-06T13:56:00.002+01:00

O TEMPO PERMITIUNOS CELEBRAR O MAGOSTO,.... MÁIS OU MENOS.

ESTIVEMOS XOGANDO NO PAVILLÓN DEPORTIVO, LOGO MERENDAMOS NA AULA, COMEMOS AS CASTAÑAS ASADAS NO PATIO "DAS COLUMNAS" E PARA REMATAR ENTREGÁRONNOS UNS PREMIOS A CADA AULA.

PASÁMOLO MOI BEN, E SACAMOS MOITAS FOTOS, PERO AÍNDA NON ESTÁN PREPARADAS. ATA A PRÓXIMA SEMANA NON AS PODEREMOS SUBIR!

AH!!
E TAMÉN APRENDEMOS UNHA PEQUENA RETAHÍLA:

XA TEMOS AQUI O MAGOSTO

QUE VIVA A FESTA RACHADA

OS MENIÑOS DESTA ESCOLA

TERÁN HOXE A CASTAÑADA!

ESTAMOS PREPARANDO O MAGOSTO!

2009-11-04T10:02:00.002+01:00

SE O TEMPO NOS ACOMPAÑA, ESTE VENRES DÍA 6 DE NOVEMBRO, CELEBRAREMOS O MAGOSTO NO COLEXIO!

ONTE XA FIXEMOS OS NOSOS BOLSOS PARA GARDAR AS CASTAÑAS ASADAS!!

QUE GANAS TEMOS XA DE COMER AS CASTAÑAS!!
E DE XOGAR NO PATIO COS XOGOS QUE ORGANIZAN OS PROFES!!!

FELIZ SAMAÍN!

2009-10-31T17:18:00.003+01:00

E POR FIN CELEBRAMOS O DÍA DO SAMAÍN!!

ESTAMOS ESTUDANDO ESTA FESTIVIDADE DE ORIXE CELTA.
E CELEBRÁMOLA Ó VENRES DÍA 30.

PRENDEMOS OS CALACÚS QUE TROUXEMOS DA CASA DECORADOS,

MERENDAMOS TODOS E TODAS AS NENAS XUNTAS,
E DE POSTRE HABÍA BABAS DE MONSTRUO!!

ALGÚNS NENOS E NENAS NON QUIXERON PROBALO, PORQUE TIÑA VERMES, SERPES, RATOS, CARACOIS, OLLOS DE SERES HUMANOS, DEDOS DE HOMES, DENTADURAS DE DRÁCULAS,...

IARA TEATRO!

2009-10-31T17:12:00.005+01:00

TEMOS A SORTE DE CONTAR CUN PROFE NO COLE QUE TEN UNHA COMPAÑÍA DE TEATRO E QUE NOS REGALOU UNHA SESIÓN O XOVES DÍA 29 DE OUTUBRO

FOMOS VELA XUNTO COS NENOS E NENAS DE 3 E 4 ANOS, E COS DE 1º E 2º DE PRIMARIA.

GUSTOUNOS MOITÍSIMO! ESTIVEMOS TODOS E TODAS MOI ATENTOS!

ALGÚNS DE NÓS SAIMOS VOLUNTARIOS E AXUDÁMOSLLE ÁS ACTRICES E Ó ACTOR A REPRESENTAR A OBRA.

XOGAMOS NO ENCERADO DIXITAL!

2009-10-31T17:06:00.003+01:00

COMEZAMOS A EMPREGAR O ENCERADO DIXITAL.

TEMOS QUE SUBIR Ó PISO DOS MAIORES, E ADEMAIS ESTÁ TAN ALTO QUE NON LLE CHEGAMOS, ENTÓN PUXEMOS UN BANCO PARA PODERNOS SUBIR!

É A PRIMEIRA VEZ QUE XOGAMOS NELA, E COSTOUNOS UN POUCO, PERO PRONTO LLE COLLEREMOS O PUNTO!!!
DE MOMENTO SO XOGAMOS A ARRASTRAR E PINCHAR!

PRONTO COMEZAREMOS A ESCRIBIR NELA!

COUSIÑAS DE OUTONO!

2009-10-31T16:57:00.005+01:00

XA TEMOS ESTUDADO MOITO DO OUTONO! TROUXEMOS FROITOS PROPIOS DESTA ESTACIÓN, TÉMOLOS NUNHA EXPOSICIÓN E DESPOIS ÍMOLOS PROBAR TODOS!!
TAMEN APRENDEMOS ALGUNHA PEQUENA RIMA CON ESTA TEMÁTICA

PITI POM, PITI POM
PON CASTAÑAS
NO MONTÓN

E CA PROFE SOL FIXEMOS ACTIVIDADES PLÁSTICAS, COMO POR EXEMPLO UN SOPORTE PARA NOTAS!

AMAÑANNOS O PATIO!!

2009-10-31T16:50:00.004+01:00

ESPERANDO QUE NOS ACONDICIONEN O PATIO DO RECREO, VIÑERONS UNS OBREIROS E RETIRARON TODAS AS PEDRAS QUE HABÍA!
DESPOIS BOTARON AREA, MOITA AREA!

PERO COA CHUVIA... ASÍ NON PODEMOS BAIXAR XOGAR E SEGUIMOS QUEDANDO NAS AULAS!

GRIPE A (H1N1)

2009-10-31T16:39:00.005+01:00

NA AULA TEMOS UN XEL HIDROALCOHÓLICO PARA DESINFECTAR AS MANS CANDO TUSIMOS OU ESBIRRAMOS E NON TEMOS UN PANO PRETO!
GÚSTANOS COMO CHEIRA E NON NOS ESQUECEMOS NUNCA DE BOTALO!

ADEMAIS TOMAMOS OUTRAS MEDIDAS PARA NON CONTAXIARNOS, LAVAMOS MOITO AS MANS, TIRAMOS OS PANOS DESPOIS DE EMPREGALOS, NON COMPARTIMOS CULLERIÑAS, VENTILAMOS BASTANTE A AULA...

PARA MÁIS INFORMACIÓN PÓDESE PINCHAR NOS SEGUINTES ENLACES:

http://www.sergas.es/MostrarContidos_Portais.aspx?IdPaxina=62535

http://www.edu.xunta.es/portal/contenido?comando=ContenidoDinamicoComando&accion=verRecurso&lID=gl&trID=890c6616-453431ca-001803fb-70673285&pwID=1ceb9eea-453431ca-001fceed-2a4f0519&rID=b783838a-0ab4f107-1a13aee4-6208ea4e

SAMAÍN!!

2009-10-22T12:23:00.001+02:00

SO FALTAN 9 DÍAS PARA CELEBRAR O SAMAÍN NO COLE!!
EMPEZAMOS COA DECORACIÓN,
QUE MEDO........

CHEGOU O OUTONO!

2009-10-19T15:05:00.002+02:00

XA SENTIMOS O OUTONO!
ESTA SEMANA COMEZAMOS A ESTUDAR O OUTONO E TODO O QUE TRAE CONSIGO!
NA ASEMBLEA DESCUBRIMOS QUE XA SABEMOS MOITAS COUSAS, E AGORA IMOS SEGUIR APRENDENDO COUSAS DESTA ESTACIÓN E DEBUXANDO PARA CUBRIR O NOSO MURAL!

PONTES E RIOS!!

2009-10-12T16:45:00.002+02:00

CANDO O TEMPO NOS DEU UN RESPIRO SAÍMOS Ó PATIO PARA XOGAR!!
XOGAMOS A "PONTES E RÍOS"
A PROFE TIÑA QUE PILLAR, E CANDO PILLABA CONVERTIÁMONOS EN PONTES E QUEDABAMOS PARADOS COS BRAZOS E AS PERNAS ABERTAS!!
PARA SALVARNOS TIÑA QUE VIR OUTRO COMPAÑEIRO OU COMPAÑEIRA E PASAR POR DEBAIXO DAS PERNAS,
CANDO NÓS DICIAMOS GRAZAS RÍO PODIAMOS VOLVE CORRER!
DESPOIS A PROFE CANSOUSE DE CORRER E PILLOU ANDRÉ!

CA PROFE SOL FIXEMOS PAPIROFLEXIA!

2009-10-12T16:21:00.005+02:00

A PROFE SOL ENSINOUNOS A DOBRAR UN PAPEL E FACER UNHA FIGURA!! DESTA VOLTA DUNHA CARTOLINA TAMAÑO FOLIO SAÍRONNOS 2 CASIÑAS MOI CHUSCAS, A QUE SI?

O PROCESO NON É SINXELO:
1º COLLEMOS A CARTOLINA
2º DOBRAMOS A METADE
3º DOBRAMOS AS ESQUINAS SUPERIORES
4º CON PLANTILLAS, DEBUXAMOS A PORTA E AS VENTÁS
5º COLOREAMOS!

COMEZAMOS O PRÉSTAMO DE LIBROS!!

2009-10-12T16:17:00.003+02:00

DENDE O VENRES DÍA 2 DE OUTUBRO TEMOS UNHA NOVA RUTINA. Á PRIMEIRA HORA IMOS Á BIBLIOTECA DO COLEXIO PARA COLLER UN LIBRO E LEVALO PARA CASA. ADEMAIS LEVAMOS UNHA FOLLA DE REXISTRO CUNHA TAREFA PARA FACER CON AXUDA DA FAMILIA, O REMATE DO CURSO TEREMOS UN CARTAFOL CON TÓDOLOS LIBROS QUE LEMOS NESTE ANO!!

BINGO!!

2009-10-12T16:09:00.004+02:00

EMPEZAMOS AS SESIÓNS DE BINGO!
O MÉRCORES AÍNDA NOS CUSTOU UN POUCO ENTENDER O XOGO, PERO XA COÑECEMOS MOI BEN OS NÚMEROS, ASÍQUE NA PRÓXIMA SESIÓN SEGURO QUE XA O PASAMOS MOI MOI BEN! E POR FIN CANTAMOS BINGO!!

ADEUS ALEX!

2009-10-08T12:30:00.003+02:00

O VENRES PASADO MARCHOU ALEX SILVA PARA OUTRO COLEXIO.
TODA ESTA SEMANA XA O BOTAMOS DE MENOS.

QUE TEÑAS MOITA SORTE!!

GRAZAS!!

2009-09-23T13:40:00.001+02:00

GRAZAS A QUE AS FAMILIAS NOS ENTREGARON MOI PRONTO AS AUTORIZACIÓNS DO USO DA IMAXE, XA PODEMOS COMEZAR A ENSINARVOS O QUE FACEMOS NA AULA! ESPERAMOS QUE VOS GUSTE!!

EMPEZAMOS A TRABALLAR

2009-09-20T17:19:00.003+02:00

ESTA SEMANA XA EMPEZAMOS MOI DURO!!

FIXEMOS O NOSO PRIMEIRO MURAL COA AXUDA DOS NENOS E NENAS DA AULA DE 4 ANOS.

TAMÉN RECORREMOS O COLEXIO, PARA VER TÓDOLOS RECUNCHOS, E ATA NOS SENTAMOS NAS CADEIRAS DOS RAPACES E RAPAZAS MAIORES... E ERAN TAN ALTAS QUE NON LLE CHEGABAMOS O CHAN COS PÉS.

ONDE NOS METEREMOS??

2009-09-13T12:31:00.004+02:00

ÁBRESE A PORTA A ESTE NOVO CURSO

E ESTA É A NOSA AULA

É UNHA AULA MÁIS BEN PEQUENA, PERO SEGURO QUE NOS APAÑAREMOS BEN.
TEMOS MOITÍSIMOS CONTOS E CREBACABEZAS, OS XOGUETES ESTÁN NA AULA DOS NENOS E NENAS DE 3 ANOS, QUE NOS DEIXAN IR XOGAR CON ELES E ELAS.

BENVIDA!

2009-09-12T21:23:00.000+02:00

BENVIDAS E BENVIDOS A ESTE BLOG!
COMEZA UN NOVO CURSO ESCOLAR
E DESDE O CPI DE VEDRA TENTAREMOS IR CONTÁNDOVOS TODO O QUE FACEMOS
CONVIDÁMOSVOS A QUE NOS AXUDEDES A MANTER ESTO ACTIVO E NOS SERVA DE PONTE PARA COMUNICARNOS
TEMOS MOITAS GANAS DE FACER COUSAS, COÑECER AMIGAS E AMIGOS DE OUTROS LUGARES E SOBRE TODO DE APRENDER
SAÚDOS